သင်မရှိရင်တောင်မှ သင့်ဝန်ထမ်းတွေ သင့်ဖောက်သည်တွေကို ဂရုစိုက်နိုင်အောင် သင်လုပ်နိုင်မယ့် နည်းလမ်း (၁) ခု

စီးပွားရေးလုပ်ငန်းရှင်တွေအတွက်ကို ဖောက်သည်တွေက အရေးကြီးတယ်။ ဖောက်သည်တွေလာမှပဲ လုပ်ငန်းက ရောင်းရမှာ။ သူတို့အနေနဲ့ အကြိမ်ကြိမ် လာဝယ်မှ ဒီလုပ်ငန်းက အကြိမ်ကြိမ်ရောင်းရမှာ။ သူတို့ရဲ့ မိတ်ဆွေတွေကိုလည်း ထပ်ပြီးခေါ်လာမယ်ဆိုရင် ပိုတောင်ရောင်းရဦးမယ်။ ဖောက်သည်အသစ်တစ်ယောက် ရဖို့ဆိုတာလည်း ကုန်ကျစရိတ်တွေများတယ်။ ဖောက်သည်အဟောင်းကို ထိန်းထားရတာက ပိုပြီးတော့ လွယ်ကူတယ်။ ဒါတွေလည်း ကျွန်တော် အရင်အပိုင်းတွေမှာ ဆွေးနွေးခဲ့တာရှိတယ်။ ဖောက်သည်တွေကို ဝန်ဆောင်မှုကောင်းကောင်းပေးနိုင်ဖို့၊ သူတို့စိတ်ကျေနပ်မှုရဖို့က အင်မတန် အရေးကြီးတယ်ဆိုတာ အားလုံးပဲသိတယ်။

ပြဿနာက ဝန်ထမ်းလေးတွေက လုပ်ငန်းရှင်တွေရှိရင် တစ်မျိုး၊ လုပ်ငန်းရှင်တွေ မရှိရင်တစ်မျိုး။ ဒါမျိုးတွေကို မိတ်ဆွေတွေ အများကြီး ကြုံဖူးကြလိမ့်မယ်။ ကျွန်တော် ၂၀၁၂ တို့ ၂၀၁၃တို့ကတည်းက Restaurant Chain အကြီးကြီးတွေကိုင်ရတဲ့အခါမှာ ဒါတွေကို စဉ်းစားခဲ့ဖူးတယ်။ အဲဒီအချိန်တုန်းက Service လေးတစ်မျိုးရှိရင် သိပ်ကောင်းမှာပဲလို့ တွေးမိတယ်။ အဲဒါဘာလဲဆိုတော့ Mystery Shopper လို့ခေါ်တဲ့ လျှို့ဝှက်ဈေးဝယ်သူကို အသုံးပြုတာပေါ့။

လျှို့ဝှက်ဈေးဝယ်သူက ဘယ်လိုမျိုးလဲဆိုတော့ သူဘယ်သူလဲဆိုတာကို ဘယ်သူမှမသိဘူး။ သူဘယ်အချိန်လာမလဲဆိုတာ ဘယ်သူမှမသိဘူး။ ဒါပေမယ့် သူဘာတွေလာစစ်မလဲဆိုတာကို သူသွားပြီးစစ်မယ့်လုပ်ငန်းရဲ့ ဝန်ထမ်းတွေက သိတယ်။ တစ်နည်းပြောရရင်တော့ Mystery Shopper နဲ့ လုပ်ငန်းရှင်တွေက ညှိနှိုင်းထားရတယ်။ ညှိနှိုင်းထားပြီးရင် Mystery Shopper က တစ်ကြိမ်မှာ လူတစ်ယောက်သွားစစ်၊ လူလည်းမထပ်အောင် စစ်ဆေးရတယ်။ အဲဒီတော့ Mystery Shopper လွှတ်ရင် အဲဒီလုပ်ငန်းမှာ ဘာတွေစစ်ရမလဲဆိုတာ သတ်မှတ်ထားတာရှိတယ်။ သွားစစ်တဲ့အခါမှာ ဒီတစ်ကြိမ်သွားရင် ဒီတစ်ယောက်သွားတယ်။ နောက်တစ်ကြိမ်ဆိုရင် နောက်တစ်ယောက်သွားတဲ့အခါကျတော့ ဝန်ထမ်းတွေက မမှတ်မိဘူး။

အဲဒီအခါကျတော့ ဖောက်သည်တွေကို ဂရုစိုက်ရမယ်ဆိုတာ ဝန်ထမ်းတွေအားလုံးသိကြတယ်။ ဒါပေမယ့် လုပ်ကြလားဆိုရင် အုပ်ချုပ်တဲ့သူရှိတဲ့အခါ သေချာပေါက်လုပ်မယ်။ အုပ်ချုပ်တဲ့သူမရှိရင် တချို့သောလူတွေက သေချာအာရုံစိုက်လုပ်တာမျိုးမရှိတော့ဘူး။ တကယ် Customer တွေကို ဂရုစိုက်တဲ့အပိုင်းတွေမှာ ကျသွားနိုင်တယ်။ အဲဒီအခါကျတော့ လုပ်ငန်းမှာ ရောင်းအားတွေက ရောက်သင့်သလောက် မရောက်တော့ဘူး။ Customer ကျေနပ်မှုတွေက အပြည့်အဝရဖို့ဆိုတာ မလွယ်တော့ဘူး။ လုပ်ငန်းရှင်ရှိရှိမရှိရှိ ဝန်ထမ်းတွေက Customer ကို ဂရုစိုက်တဲ့ဘက်ကို ကျွန်တော်တို့ ပြောင်းလဲနိုင်ဖို့လိုပါတယ်။ အဲဒီလိုပြောင်းလဲနိုင်ဖို့ အရေးကြီးတာက Customer တွေလာရင် ဘယ်လိုဆက်ဆံပါဆိုတဲ့စနစ်တွေ Leader တွေက သတ်မှတ်ထားပေးဖို့လိုတယ်။

Customer နဲ့ပတ်သက်ပြီးတော့ ကျွန်တော်တို့လိုချင်တဲ့ Procedure တွေကို သေချာသတ်မှတ်ရပါမယ်။ Customer ဝင်လာရင် ဘယ်လိုပုံစံမျိုး၊ နှုတ်ဆက်တာတောင်မှ တစ်ယောက်က Good Morning လုပ်ပြီး၊ နောက်တစ်ယောက်က မင်္ဂလာပါ ပြောနေလို့မရဘူး။ အားလုံး Good Morning ဆို Good Morning သေသေချာချာ တိတိကျကျ သတ်မှတ်ရမယ်။ Standard Operating Procedure တွေ သတ်မှတ်ရတယ်။ သတ်မှတ်ပြီးရင် အဲဒီအတိုင်းလုပ်ဖို့ကို ကျွန်တော်တို့က သင်ပေးရတယ်။ ဝန်ထမ်းတွေကို စနစ်တွေချပေးပြီးတော့ သူတို့ကို မသင်ပေးလို့ သူတို့သဘောမပေါက်ရင်လည်း အလကားပဲ။ သင်ပေးရုံနဲ့လည်း မပြီးဘူး၊ အဲဒီသင်ထားတာတွေကို လုပ်သလား မလုပ်သလား ဆိုတာကို ပြန်စစ်ရတယ်။ အထက်က Management ကနေ ကိုယ့်လူတွေ လုပ်နေရဲ့လားဆိုတာ လိုက်စစ်ရတယ်။

အဲဒီအခါမှာလည်း Error တစ်ခုရှိတယ်။ Error က ကိုယ်ကိုတိုင်က ပန်းချီကားထဲရောက်နေရင် အဲဒီပန်းချီကားကို ကိုယ်က မမြင်တော့ဘူး။ အဲဒီတော့ ကျွန်တော်တို့ မမြင်နိုင်တဲ့ အပေါက်တွေရှိလာတယ်။ မမြင်နိုင်တဲ့နေရာတွေရှိလာတယ်။ ကိုယ်ကကောင်းတယ်လို့ထင်ပေမယ့် တကယ်တမ်းမှာ မကောင်းဘူး။ ကိုယ်က မကောင်းဘူးထင်ပေမယ့် တကယ်တမ်းမှာ ကောင်းတယ်။ ဒါမျိုးတွေဖြစ်နိုင်တယ်။ အဲဒီလိုမျိုးနေရာတွေမှာ လုပ်လို့ရတာက Mystery Shopper တွေကို အသုံးပြုလို့ရတယ်။ လုပ်ငန်းရှင်က Mystery Shopper ဝန်ဆောင်မှုပေးတဲ့ ကုမ္ပဏီကို အလုပ်အပ်လိုက်ရင် ဘယ်အချက်တွေတော့ စစ်ရမလဲဆိုတာ သေချာသတ်မှတ်တယ်။ သူက စားသောက်ဆိုင်လိုမျိုးဆိုရင် Kitchen ထဲ ဝင်မစစ်ဘူး။ အရောင်းဆိုင်ဆိုရင်လည်း အနောက်ခန်းထဲဝင်မစစ်ဘူး။ အရှေ့ထဲပဲ စစ်လို့ရတယ်။

Quality နဲ့ပတ်သက်လာရင်လည်း သူတို့စစ်နိုင်တာက အကန့်အသတ်ရှိတယ်။ အဲဒီလိုမျိုး Mystery Shopper တွေကို လွှတ်ပြီးတော့ စစ်လို့ရတယ်။ အဲဒီလိုလွှတ်တဲ့အခါမှာ တစ်ကြိမ်မှာ တစ်ယောက်ပဲ အမြဲလွှတ်ရင် Mystery Shopper ဘယ်သူတော့လာပြီ၊ ငါတို့တော့ဂရုစိုက်ရမယ်ဆိုပြီးဖြစ်မယ်။ ဥပမာ – ရုံးချုပ်က မန်နေဂျာတစ်ယောက်လွှတ်လိုက်ပြီဆိုရင် အသည်းအသန် သန့်ရှင်းတွေကောက်လုပ်ကြတာ ဖြစ်နိုင်သလို အဲဒီလူက မကောင်းတာတွေ ပြောသွားရင်၊ အားနည်းချက်တွေနဲ့ပတ်သက်ပြီး ထောက်ပြသွားရင် အဲဒီလုပ်ငန်းက ဝန်ထမ်းအငယ်တွေက လာကြည့်တဲ့မန်နေဂျာကို ရန်လိုတတ်ကြတယ်။ အဲဒီအခါမှာ ဆက်ဆံရေး အဖုအထစ်တွေ ဖြစ်လာတယ်။ Culture လုပ်ငန်းအစဉ်အလာယဉ်ကျေးမှုတွေ မကောင်းဘူးဆိုတာတွေ ဖြစ်လာတယ်။

ခုနကတုန်းက အပြင်က Mystery Shopper ကို သုံးတဲ့အခါ သူတို့ကဘယ်သူမှန်းမသိဘူး။ ဘယ်ကမှန်းမသိတဲ့အခါကျတော့ ဘယ်သူ့ကိုရန်လုပ်ရမှန်းလည်းမသိဘူး။ ပြီးတော့ Mystery Shopper စစ်တယ်ဆိုတာက လုပ်ငန်းရှင်သတ်မှတ်ထားတဲ့ စံနှုန်းအတိုင်းလုပ်မလုပ်ကို လာပြီးတော့ စစ်ဆေးတာဖြစ်တယ်။ စစ်ဆေးတဲ့အခါမှလည်း ဘယ်သူလာသလဲဆိုတာမသိသလို၊ ဘယ်အချိန်လာမလဲဆိုတာလည်း ကြိုပြီးကြေငြာထားတာမဟုတ်ဘူး။ ဒါပေမယ့် ဒီလထဲမှာ Mystery Shopper ၂ကြိမ်ဝင်မယ် ၃ကြိမ်ဝင်မယ်။ ဒါမျိုးပြောထားလို့ရတယ်။ အဲဒီအခါကျတော့ ကြိုတင်ကြေငြာထားခြင်း မရှိတဲ့အချိန်မှာ လူသိမခံဘဲနဲ့ လာပြီးစစ်တယ်။ စစ်ပြီးသွားရင် လုပ်ငန်းရှင် သို့မဟုတ် Management ကို Report တင်ပေးလိုက်တယ်။ လုပ်ငန်းရှင်က အဲဒီ Report ကိုကြည့်ပြီး ဘာလုပ်မလဲ။

မိတ်ဆွေတွေစဉ်းစားမိမှာက ကောင်းတဲ့သူတွေကို ချီးကျူးမယ်၊ မကောင်းတဲ့သူတွေကို အရေးယူမယ်။ အဲဒီလိုစဉ်းစားရင် လွဲသွားမယ်။ သူတို့မကောင်းတာ ဘာလို့မကောင်းတာလဲဆိုရင် မိတ်ဆွေကြောင့် မကောင်းတာ။ ကိုယ့် Management မကောင်းရင် အောက်ကလူရဲ့ လုပ်ဆောင်မှုတွေက ကောင်းမှာမဟုတ်ဘူး။ အဲဒီအခါကျတော့ ဒီစစ်ဆေးချက် Report က ကိုယ့်ကိုစစ်တယ်လို့ သဘောထားရမယ်။ ကျွန်တော်တို့က Report ကိုကြည့်ပြီးတော့ ကောင်းတာတွေဆိုရင် သူတို့ကိုဆုချတာတို့ Bonus ပေးတာတို့ ဒါမျိုးတွေလုပ်လို့ရတယ်။ မကောင်းတာတွေဆိုရင် ဘာလုပ်ရမလဲ။ သူတို့ကို သင်တန်းပေးရမယ်၊ ထပ်နားလည်အောင် ရှင်းပြရမယ်၊ ဒါတွေဘာကြောင့် အရေးကြီးတယ်ဆိုတာ သေချာပြောပြရမယ်။ ဒါမျိုးလုပ်တယ်ဆိုရင် ခုနကပြောခဲ့တဲ့ Internal မှာ စစ်နေတဲ့ မန်နေဂျာဆိုရင်လည်း သူကသေချာမစစ်ဘူး။ အပြင်က Mystery Shopper လာမှ ဒီအမှားတွေကို တွေ့တယ်ဆိုရင် မန်နေဂျာကလည်း ပိုပြီးတော့ ဖိဖိစီးစီး စစ်လာမယ်။

ဝန်ထမ်းတွေကလည်း Customer တစ်ယောက်ဝင်လာပြီးဆိုရင် ဒီ Customer က Mystery Shopper များဖြစ်နေမလားဆိုပြီးတော့ လူတိုင်းကို Care လုပ်လာမယ်။ အဲဒီအခါ Customer စိတ်ကျေနပ်မှု သိသိသာသာ တက်လာမယ်။ အဲဒီအတိုင်းသွားရင် ၆လလောက်မှာ အရောင်းက သိသိသာသာ တိုးတက်လာလိမ့်မယ်လို့ ယုံကြည်တယ်။ အရေးကြီးတာက လုပ်ငန်းရှင်တွေ အရေးယူတဲ့ဘက်ကိုမသွားပါနဲ့။ တခုခု ဖြတ်တာတောက်တာဘက်တွေကိုသွားရင် ဝန်ထမ်းတွေက ဒါနဲ့ပတ်သက်ပြီးတော့ မလိုလားတဲ့ဘက်ကို ရောက်သွားနိုင်တယ်။ ပူးပေါင်းဆောင်ရွက်မှု အားနည်းသွားမယ်။ သူတို့ကို အချိန်မရွေး မျက်စိတောက်ထောက် ကြည့်နေသလိုမျိုး ခံစားလာရရင် သူတို့ပျော်မှာမဟုတ်တော့ဘူး။

မိတ်ဆွေတွေအားလုံးပဲ လုပ်ငန်းမှာ ကိုယ်ရှိရှိမရှိရှိ ဝန်ထမ်းတွေက Customer ကို Care လုပ်တာ လိုချင်တယ်ဆိုရင် ခုနကပြောတဲ့ Mystery Shopper ကို အသုံးပြုဖို့ စဉ်းစားကြည့်ပါ။ ကျွန်တော်တို့ Breakthrough ရဲ့ Company ခွဲတစ်ခုရှိတယ်။ အဲဒါက Mystery Shopper Myanmar ဆိုတဲ့ အဖွဲ့အစည်းဖြစ်တယ်။ UK ကနေ Franchise ယူထားပြီးတော့ ၂၀၁၆ လောက်ကနေ စလာတယ်။ ကျွန်တော်တို့ ဒီဘက် မှာ Breakthrough ကို ဦးစားပေးလုပ်နေတော့ Mystery Shopper နဲ့ပတ်သက်ပြီးတော့ အချိန်သိပ်ပြီးတော့မပေးနိုင်ခဲ့ဘူး။ လက်ရှိလုပ်နေတဲ့အဖွဲ့အစည်းထဲမှာ နာမည်ကြီး ကုမ္ပဏီ Brand တွေလည်းပါတယ်။ အကယ်၍များ မိတ်ဆွေတွေလုပ်ငန်းမှာ ကိုယ်မပါဘဲနဲ့တောင်မှ ကိုယ့်ရဲ့ ဝန်ထမ်းတွေက Customer တွေကို ဂရုစိုက်တာ၊ Care လုပ်တာ လိုချင်တယ်ဆိုရင် ကျွန်တော်တို့ Mystery Shopper Company Limited ကို ဆက်သွယ်လို့ရပါတယ်။ Breakthrough ရဲ့ Company ခွဲဖြစ်ပါတယ်။

သူတို့ဖုန်းနံပါတ်က – 09697222121 ဖြစ်ပါတယ်။ ကိုသီဟမျိုးရဲ့ နံပါတ်ပါ ဆက်သွယ်ကြည့်ပါ။ လုပ်ငန်းရဲ့အခြေအနေဟာ ၆လ ၁နှစ်မှာကို အရောင်း သိသိသာသာ တိုးတက်လာတဲ့ဘက်ကို ဦးတည်သွားနိုင်ပါတယ်။

Naing Win Aung (MBA, PCC)
CEO Coach & NLP Master Trainer
Leadership Development Facilitator

naingwinaungceocoach

naingwinaungexecutivecoach

Leadership