သင့်လုပ်ငန်း အရောင်းတက်လာဖို့အတွက် သိသင့်တဲ့ အဆိုအမိန့် (၁) ခု

ဒီအဆိုအမိန့်လေးက ”Tiffini Bova” ရဲ့ အဆိုအမိန့်လေးဖြစ်ပါတယ်။ ဒီအဆိုအမိန့်လေးကတော့ “သင်ဘယ်လိုရောင်းသလဲဆိုတာ အရေးပါပါတယ်။ သင့်ရဲ့လုပ်ငန်းစဉ်တွေကလည်း အရေးပါတယ်။ ဒါပေမယ့် သင်နဲ့ဆက်ဆံတဲ့အခါ သင့်ရဲ့ဖောက်သည်တွေ ဘယ်လိုခံစားရသလဲဆိုတာက ပိုပြီးအရေးပါတယ်။”

အဲဒီတော့ ကျွန်တော်တို့ ဘာရောင်းကြသလဲ။ သင်ရောင်းတာက ဝန်ဆောင်မှုဖြစ်ရင်လည်း ဖြစ်မယ်။ ထုတ်ကုန်ဖြစ်ရင်လည်း ဖြစ်မယ်။ ဒါမှမဟုတ် ဝန်ဆောင်မှုနဲ့ ထုတ်ကုန် ပေါင်းပြီးရောင်းတာမျိုး ဖြစ်ရင်လည်း ဖြစ်မယ်။ ကျွန်တော်တို့ရဲ့ မိတ်ဆွေတွေထဲမှာလည်း ထုတ်ကုန်အမျိုးမျိုးနဲ့ ဝန်ဆောင်မှုအမျိုးမျိုးကို ရောင်းချတဲ့သူတွေ ပါနိုင်ပါတယ်။ တစ်ယောက်နဲ့ တစ်ယောက် လုပ်ငန်းတွေကတော့ မတူကြဘူး။
ဒါပေမယ့် ဘယ်လိုကြောင့်ပဲပြောပြော၊ သင်က ဘာကိုပဲရောင်းရောင်း၊ အဲဒီပစ္စည်း ဒါမှမဟုတ် ဝန်ဆောင်မှုကို သင်က ဘယ်လိုပဲထုတ်ထားပါစေ၊ Customer နဲ့ ဆက်ဆံတဲ့နေရာမှာလည်း ဘယ်ပုံ ဘယ်လို Process တွေနဲ့ပဲ ရောင်းနေပါစေ၊ နောက်ဆုံးမှာတော့ သူတို့ သင့်ဆီကနေ ဝယ်ယူပြီး ပြန်ထွက်သွားချိန် သူတို့ကိုယ်တိုင် ဘယ်လိုမျိုးခံစားသွားရသလဲဆိုတာက ပိုပြီး အရေးပါပါတယ်။ ကျွန်တော်တို့ရဲ့ မိတ်ဆွေတွေအနေနဲ့ ရောင်းအား ပိုပြီးတက်ချင်ကြတယ်။ အမြတ်တွေ ပိုပြီးများချင်ကြတယ်။

တခါတစ်လေကျရင် လုပ်ငန်းရှင်တွေအနေနဲ့ သင့်ရဲ့ ဝန်ဆောင်မှုတွေက ဘယ်လောက်ကောင်းကြောင်း၊ သင့်ရဲ့ ထုတ်ကုန်တွေက ဘယ်လိုမျိုးတွေ ထုတ်ထားကြောင်းသာ အဓိကအာရုံစိုက်နေတာမျိုး ဖြစ်တတ်ပါတယ်။ ဒါပေမယ့် အရေးကြီးတာက နောက်ဆုံးမှာ သင့်ရဲ့ထုတ်ကုန်တွေ၊ ဝန်ဆောင်မှုတွေကို တကယ်ဝယ်ယူသွားတဲ့သူက လာပြီးဝယ်ယူတယ်။ အဲဒီလိုဝယ်ယူတဲ့အခါ ကျွန်တော်တို့ကိုယ်တိုင် ဒါမှမဟုတ် ကျွန်တော်တို့ရဲ့ ဝန်ထမ်းတွေက သူတို့ကိုဘယ်လိုမျိုးဆက်ဆံပေးသလဲ ဆိုတဲ့အပေါ်မှာ မူတည်ပြီး ဝယ်ယူသူရဲ့ စိတ်ခံစားမှုကောင်းမယ်ဆိုရင် သူတို့အနေနဲ့ ထပ်ပြီး ဝယ်ချင်လာမယ်။ ခံစားမှုမကောင်းဘူးဆိုရင်တော့ ထပ်ပြီးဝယ်ချင်မှာ မဟုတ်တော့ပါဘူး။ အရေးကြီးတဲ့အချက်က လုပ်ငန်းတစ်ခု တိုးတက်ဖို့ Customer က ပိုပြီးအရေးပါပါတယ်။ Customer မရှိဘဲ လုပ်ငန်းက ဘယ်လိုမှ သွားလို့ရမှာ မဟုတ်ပါဘူး။

ကျွန်တော်အနေနဲ့ အရင်တုန်းက စားသောက်ဆိုင်တွေကို Operation Director အနေနဲ့ရော၊ Executive Director အနေနဲ့ရော၊ Share Holder အနေနဲ့ပါ ဦးစီးခဲ့ပါတယ်။ YKKO မှာ ဆိုင် ၇ ဆိုင်ကနေပြီး ၃၇ ဆိုင်အထိမှာပါ Board of Director တစ်ယောက်အနေနဲ့လည်း ပါဝင်ခဲ့ပါတယ်။ အဲဒီလိုလုပ်ကိုင်ခဲ့တဲ့နေရမှာ Complain တွေကို အတိုင်းအတာတစ်ခုအထိ ဖြေရှင်းရတာမျိုးလည်း ရှိပါတယ်။ လုပ်ငန်းတိုးတက်ရာ တိုးတက်ကြောင်းအတွက် အစီအစဉ်တွေ ချခဲ့တဲ့နေရာမှာလည်း အများကြီးပါဝင်ခဲ့ရဖူးပါတယ်။ ကျွန်တော်တို့ရဲ့ မိတ်ဆွေတွေ အနေနဲ့လည်း စားသောက်ဆိုင်တွေမှာလည်း သွားစားဖူးကြပါတယ်။ ဟိုတယ်တွေမှာလည်း တည်းခိုဖူးကြပါတယ်။ ဒါမှမဟုတ်ရင် အဝေးပြေး Express ကားလိုမျိုးတွေ စီးဖူးကြပါမယ်။ မိတ်ဆွေတို့အနေနဲ့ အဲဒီလိုမျိုး ဝန်ဆောင်မှုနဲ့ ပတ်သက်ပြီး ထိတွေ့မှုတွေ အများကြီး ရှိခဲ့ဖူးကြပါလိမ့်မယ်။

ကျွန်တော်ပြောချင်တာက ဈေးဝယ်သူ မည်သူမဆိုက ဈေးဝယ်တဲ့အခါ သူတို့ကြုံခဲ့ရတဲ့ ကသိကအောင့်တွေကို မှတ်ထားတတ်ကြတယ်။ ဒီလိုမျိုး သုံး၊ လေး၊ ငါးခါ ကြုံပြီဆိုရင် သူ့ထက်ပိုပြီး ဝန်ဆောင်မှုကောင်းတဲ့နေရာ၊ သူ့ထက်ပိုပြီး Customer တွေကို ဂရုစိုက်တဲ့နေရာ ဘယ်နေရာတွေရှိသလဲလို့ စဉ်းစားပြီး ပြောင်းသွားတဲ့အခါမှာ လုပ်ငန်းအနေနဲ့ ဖောက်သည်ကို ဆုံးရှုံးလိုက်ရပါပြီ။ ကျွန်တော်တို့ အနေနဲ့လည်း သင်တန်းသားတွေကို ဂရုစိုက်ဖို့ လိုပါတယ်။ Coaching Client တွေကိုလည်း ပိုပြီးဂရုစိုက်ဖို့ လိုပါတယ်။

ကျွန်တော်တို့ရုံးက ဝန်ထမ်းတွေကိုလည်း ဒါနဲ့ပတ်သက်ပြီး သင်ကြားပေးဖို့ လိုတယ်။ ပိုပြီး မှာကြားဖို့ လိုပါတယ်။ မိတ်ဆွေတို့ အားလုံးလည်း သင့်ရဲ့ဝန်ထမ်းတွေက Customer တွေကို ဂရုစိုက်ရဲ့လား။ ဘယ်နေရာတွေမှာ အားနည်းနေလဲ။ ကိုယ်က Leader ဆိုတော့ Leadership ကိုသွားတဲ့အခါမှာ သင့်ရဲ့ Leadership နဲ့ပတ်သက်တာပဲကြည့်ပြီး သူတို့ရဲ့အလုပ်တွေကို နားမလည်ရင် အဆင်ပြေနိုင်မှာ မဟုတ်ပါဘူး။ ဒါကြောင့် လုပ်ငန်းမှာ ရောင်းအားတက်ချင်ရင် သင့်ရဲ့ ဖောက်သည်တွေ သင့်ရဲ့ Client တွေကို ဝန်ထမ်းတွေက ဘယ်လိုမျိုးဆက်ဆံသလဲ။ သင်ကရော ဘယ်လိုမျိုး ဆက်ဆံသလဲ။ သင့်ဆီက သူတို့တွေ ဝယ်သွားပြီး ခံစားမှုကော ကောင်းသွားရဲ့လား။ ဒါလေးတွေကို ပြန်ပြီး စစ်ဆေးသင့်ပါတယ်။

ဘာကိုပဲ ရောင်းပါစေ၊ ဘယ်လောက်ပဲ ကောင်းအောင် ပြင်ဆင်ထားပါစေ သင့်ရဲ့ ဖောက်သည်တွေကို စိတ်ချမ်းသာအောင် ဝန်ဆောင်မှုမပေးနိုင်ရင် အလကားပဲ ဖြစ်သွားမှာပါ။ ဒါပေမယ့် သူတို့သာ ခံစားမှုကောင်းမယ်ဆိုရင် သူတို့မကြာခဏ လာဝယ်ကြလိမ့်မယ်။ သူတို့ရဲ့ မိတ်ဆွေတွေ၊ သူငယ်ချင်းတွေနဲ့ မိသားစုဝင်တွေကိုပါ ခေါ်လာကြလိမ့်မယ်။ ဒါဆိုရင်တော့ ကိုယ့်ရဲ့လုပ်ငန်းမှာ ပိုပိုပြီး ရောင်းအားတက်လာမှာပဲ ဖြစ်ပါတယ်။

Naing Win Aung (MBA, PCC)
CEO Coach & NLP Master Trainer
Leadership Development Facilitator

naingwinaungceocoach

naingwinaungexecutivecoach

Leadership #Coaching #Transformation

NLP #Breakthrough

Breakthrough_Coaching_Myanmar

Make_Myanmar_A_Better_Place