ဖောက်သည်စိတ်ကျေနပ်မှုရဖို့ အရေးကြီးတဲ့အချက် (၄) ခု

Customer Service ဆိုတာ Leadership နဲ့ ဆက်စပ်ချင်မှဆက်စပ်မယ်။ ဒါပေမယ့် ကိုယ့်ရဲ့အောက်က Team Member တွေ ရဲ့ Customer Service မကောင်းရင် လုပ်ငန်းမအောင်မြင်နိုင်ဘူး။ အဲဒီတော့ ကျွန်တော်တို့အားလုံးပဲ သိသင့်တဲ့ ဖောက်သည်ဝန်ဆောင်မှုက အရေးကြီးရတဲ့ အကြောင်းရင်း (၄)ခု ကို မျှဝေချင်ပါတယ်။

(၁) ဖောက်သည်အသစ်ကိုရှာရတာထက် အဟောင်းကိုထိန်းရတာက ပိုလွယ်ပါတယ်။

ဖောက်သည်အသစ်တစ်ယောက် ရဖို့အတွက်ဆိုရင် ကျွန်တော်တို့က သတင်းစာထဲမှာ ကြော်ငြာရင် ဘယ်လောက်ကုန်မလဲ စဉ်းစားကြည့်။ Facebook ဆိုရင်လည်း Boost လုပ်ရတဲ့ ပိုက်ဆံရှိမယ်။ တချို့တွေဆို တစ်လကို ၂သိန်း ၃သိန်းလောက် Boost တယ်။ ကျွန်တော်တို့ Team မှာ ဆိုရင် Facebook မှာ သုံးတဲ့ ပိုက်ဆံက အများကြီးပဲ။ အဲဒီအတိုင်းပဲ တချို့တွေဆို TV ကြော်ငြာတွေရှိမယ်၊ Billboard သွားတင်တာ ရှိမယ်။ Billboard ဆို တစ်နှစ်တင်လိုက်တာ သိန်း (၄၀၀) ဝန်းကျင်လောက်ကုန်သွားတယ်။ အဲဒီ Billboard ကနေတိုက်ရိုက် လူတွေလာဝယ်တာထက် Billboard မှာ ကိုယ့်ကို သိသွားပြီးတော့ စိတ်ဝင်စားသွားတာ ရှိကောင်းရှိမယ်။

အဲဒီတော့ ဖောက်သည်အသစ်တစ်ယောက်ရဖို့ဆိုတာ အင်မတန်ခက်ခဲတယ်။ ကျွန်တော်တို့ TLJ သင်တန်းဆိုရင် အရင်တုန်းက သင်တန်းကြေး ၆ သောင်းနဲ့ ရောင်းတယ်ဆိုပါစို့။ အသစ်တစ်ယောက်လာဖို့အတွက်ကို ကျွန်တော်တို့ ဘယ်လောက်ကုန်သလဲ ဆိုရင် ကြော်ငြာခချည်းပဲ ၃သောင်းလောက်ကုန်တယ်။ ပြီးတော့ အခန်းငှားရတာရှိသေးတယ်။ သူ့အတွက် Stationary တွေ လုပ်ပေးရတာရှိသေးတယ်။ အဲဒီသင်တန်းမှာ Advance ကျန်ဖို့ဆိုတာတောင် မလွယ်တဲ့ကိစ္စ။ ဆိုလိုတာက ဖောက်သည်အသစ်ရှာရတာ အင်မတန်ခက်တယ်။ အဲဒီအတွက်ကြောင့် အရေးကြီးတာက ကျွန်တော်တို့ အဟောင်းကို ထိန်းထားရမယ်။ ဒါကို ဝန်ထမ်းတွေ Team Member တွေ သိအောင် ရှင်းပြဖို့လိုတယ်။

(၂) ဖောက်သည်အဟောင်းကို ထိန်းထားရတာက အကုန်အကျသက်သာတယ်။

သူ့ကို ကျွန်တော်တို့က ဝန်ဆောင်မှုကောင်းကောင်းပေးနေသ၍ သူကျေနပ်နေသ၍ ကိုယ်နဲ့နေနေတာဆိုတော့ သူ့အတွက် ကြော်ငြာတွေထပ်ပြီးတော့ လုပ်စရာ လိုချင်မှလည်းလိုမယ်။ လုပ်ရင်တောင်မှ သူကအကြိမ်ကြိမ် ထပ်ပြီးတော့ မြင်ရနေစရာမလိုဘဲနဲ့ နည်းနည်းကြော်ငြာလိုက်တာနဲ့ ကိုနိုင်ဝင်းအောင်တို့ လုပ်တာကောင်းမှာပဲဆိုပြီး လာတာမျိုးလည်း ဖြစ်ပါတယ်။ အဲဒီအတွက်ကြောင့် ဖောက်သည်အဟောင်းကို ထိန်းထားရတာက အကုန်အကျသက်သာတယ်။

(၃) အကြိမ်ကြိမ်ထပ်ရောင်းရဖို့အတွက်က အခုတစ်ကြိမ်မှာကတည်းက ကျေနပ်ဖို့လိုတယ်။

ပထမတစ်ကြိမ်မှာ မကျေနပ်ဘူးဆိုရင် နောက်တစ်ကြိမ်မှာ လာပြီးဝယ်မှာမဟုတ်ဘူး။ အဲဒါကို ဝန်ထမ်းတွေနားလည်အောင် သေချာရှင်းပြဖို့လိုတယ်။

(၄) ဖောက်သည်တွေက သူတို့ကျေနပ်ရင် နောက်တစ်ကြိမ်ပြန်လာရုံမကဘဲ သူတို့ရဲ့မိတ်ဆွေတွေကိုပါ ခေါ်ဆောင်လာနိုင်တယ်။

ကျွန်တော်တို့ရဲ့ TLJ သင်တန်းဆိုရင် သင်တန်းလာတက်တဲ့ လူဦးရေ (၁၀၀) မှာ (၈၀) က လူဟောင်းတွေက လွှတ်လိုက်တာ ဒါမှမဟုတ် ခေါ်လာတာ။ ကျွန်တော်တို့သင်တန်းက တစ်ခါလုပ်ရင် လူ (၅၀၀) (၁၀၀၀) အဲလိုလုပ်တာ။ စရိတ်ကလည်း အရမ်းများတာ။ အဲဒီလို လူများများမရှိရင် လည်ပတ်ဖို့ဆိုတာ ကျွန်တော်တို့ မလွယ်ဘူး။ အရေးကြီးတာက လက်ရှိ ရှိနေပြီးသား သင်တန်းသား၊ ဖောက်သည်၊ Client သို့မဟုတ် လာဝယ်စားတဲ့သူတွေ သူတို့တွေ တော်တော်ကြီး ကျေနပ်တယ်သွားဆိုရင် သူတို့ရဲ့မိတ်ဆွေတွေကို ခေါ်လာလိမ့်မယ်။ ဒါမှမဟုတ်ရင်လည်း အဲဒီဆိုင်ကကောင်းတယ်၊ အဲဒီလုပ်ငန်းကကောင်းတယ်၊ သွားအားပေးပါလို့ ရည်ညွှန်းပေးလိမ့်မယ်။

အဲဒီတော့ သူတို့ဆီကလာတဲ့သူတွေက ကြော်ငြာခတွေ ထွေထွေထူးထူး မကုန်တော့ဘူး။ လူတစ်ယောက်ကို ၃သောင်းကုန်တယ်ဆိုတာမျိုးတွေ မရှိတော့ဘူး။ အဲဒီအတွက်ကြောင့် လာတဲ့သူတွေကို ကျွန်တော်တို့ သေချာဆက်ဆံဖို့လိုတယ်။ အရေးကြီးတာက များသောအားဖြင့် ကိုယ်ကိုတိုင်က တိုက်ရိုက် Customer Service ပေးတာဖြစ်ချင်မှဖြစ်မယ်။ ကိုယ့်ရဲ့ဝန်ထမ်းတွေကို ဘယ်လောက်အရေးကြီးတယ်ဆိုတာ သေသေချာချာ ရှင်းပြ၊ ပြောပြထားမှပဲ Team Member တွေက Customer တွေကို ဂရုစိုက်မယ်။ ဒါမှပဲ လုပ်ငန်းပိုပြီးတော့ အောင်မြင်မှာဖြစ်ပါတယ်။ မိတ်ဆွေတွေအားလုံးပဲ လုပ်ငန်းတိုးတက်ဖို့ဆိုရင် ဖောက်သည်တွေရဲ့ စိတ်ကျေနပ်မှုကို ကိုယ်တိုင်လည်းဂရုစိုက်ပါ။ ကိုယ့်ရဲ့အဖွဲ့သားတွေကိုလည်း နားလည်သဘောပေါက်အောင် ရှင်းပြပြီးတော့ ဂရုစိုက်ခိုင်းပါ။

Naing Win Aung (MBA, PCC)
CEO Coach & NLP Master Trainer
Leadership Development Facilitator

naingwinaungceocoach

naingwinaungexecutivecoach

Leadership #Coaching #Transformation

NLP #Breakthrough

Breakthrough_Coaching_Myanmar

Make_Myanmar_A_Better_Place